Google Family Link

Google Family Link guraso-murriztapenak kudeatzeko aplikazio bat da, sarean seguruago ibiltzen laguntzen diona zure familiari. Familia bakoitzak teknologiarekiko duen harremana desberdina da; horregatik, oreka egokia aukeratzeko eta ohitura digital osasungarriak sortzeko malgutasuna ematen dizuten tresnak garatu ditugu. Erabili aplikazioa haurrak gailua nola erabiltzen duen ikusteko, haren kokapena ikusteko, pribatutasun-ezarpenak kudeatzeko eta gehiago egiteko.

Hauek egin ditzakezu Family-Link-en

• Erabilera-denbora mugatu: bilatu haurrarentzat egokiena den erabilera-ordutegia. Family Link bidez eguneko mugak ezar ditzakezu haurraren gailuetan, eskola moduaren ordutegia eta atsedenaldien ordutegia zehaztuta, oreka osasungarri bat lortzen lagun diezaiozun.
• Haurraren aplikazioak kudeatu: eman aplikazioak erabiltzeko behar duen malgutasuna haurrari. Ezarri aplikazioak erabiltzeko banako denbora-mugak, eta utzi hezkuntzarako aplikazioak nahiz maiz erabiltzen direnak denbora-mugarik gabe. Aplikazioak blokea ditzakezu, halaber.
• Sarean ikusten dutena kudeatu: ezarri guraso-murriztapenak Google-ren zerbitzuetan: Chrome, Google Play, YouTube eta Bilaketa. Family Link bidez, webgune desegokiak blokea ditzakezu, baita aplikazio berriak instalatzeko baimena eskatu, aplikazio eta webguneen baimenak kudeatu eta beste gauza asko egin ere.
• Kontua babestu: Family Link-ekin haurraren kontua eta datuen ezarpenak kudea ditzakezu. Haurraren pasahitza aldatu edo berrezartzen, informazio pertsonala editatzen edo kontua ezabatzen lagun diezaiokezu, beharrezkoa bada.*

*Gutxieneko adinetik gorako haurrek beren kontua kudea dezakete.

• Non dauden ikusi: lagungarria da familiako kideak edonon eta edonoiz aurkitzea. Family Link-ekin, mapa bakarrean ikus dezakezu haurren kokapena, baldin eta gailua soinean badaramate.
• Jakinarazpenak eta alertak jaso: Family Link-ek jakinarazpen larriak bidaltzen ditu. Halaber, gailuetan tonua jo, eta zenbat bateria geratzen zaien ikus dezakezu.


Informazio garrantzitsua

• Family Link-en tresnak desberdinak dira haurraren gailuaren arabera. Ikusi gailu bateragarriak hemen: https://families.google/familylink/device-compatibility/
• Family Link-ekin haurrak Google Play-n erositakoa eta deskargatutakoa kudea dezakezun arren, haurrak ez du baimenik beharko aplikazio-eguneratzeak instalatzeko (baimen gehiago behar dituztenak barne), ezta aurrez onartutako aplikazioak edo familiaren liburutegian partekatutakoak instalatzeko ere. Haurrak Google Play-ren fakturazio-sistemaren bidez erosten duenean aplikatzen dira soilik erosteko onarpenak, ez beste fakturazio-sistema batekin erosten duenean. Gurasoek erregularki berrikusi beharko lituzkete haurrak instalatutako aplikazioak eta aplikazio-baimenak Family Link-en.
• Berrikusi arretaz haurraren gailu gainbegiratuko aplikazioak eta blokeatu erabiltzea nahi ez dituzunak. Oharra: baliteke aurrez instalatutako zenbait aplikazio desgaitzeko gai ez izatea (hala nola Google Play edo Google).
• Haurraren gailuaren kokapena ikusteko, beharrezkoa da piztuta egotea, duela gutxi aktibo egon izana eta Internetera konektatuta egotea.
• Google-ko kontu gainbegiratuetan soilik erabil daitezke Family Link-en guraso-murriztapenak. Google-ko kontu gainbegiratuekin, haurrek Bilaketa, Chrome, Gmail eta Google-ren bestelako produktuak erabil ditzakete, eta gurasoek mundu digitalerako oinarrizko arauak ezar ditzakete, haurrak gainbegiratzeko.
• Family Link-ek haurraren sareko jarduerak kudeatzeko eta segurtasuna areagotzeko tresnak eskaintzen baditu ere, ez du bihurtzen sarea toki seguru. Family Link-ek ezin du zehaztu Interneten dagoen edukia, baina tresnak eskaintzen dizkizu haurrak gailuan denbora nola igarotzen duen erabakitzeko, eta familiarentzat sareko segurtasuna bermatzeko modu onena zehazteko.