Google Family Link

Google Family Link ಎಂಬುದು ಪೋಷಕ ನಿಯಂತ್ರಣ ಆ್ಯಪ್ ಆಗಿದ್ದು, ಅದು ಕುಟುಂಬವನ್ನು ಆನ್‌ಲೈನ್‌ನಲ್ಲಿ ಸುರಕ್ಷಿತವಾಗಿರಿಸಲು ಸಹಾಯ ಮಾಡುತ್ತದೆ. ತಂತ್ರಜ್ಞಾನದೊಂದಿಗೆ ಪ್ರತಿ ಕುಟುಂಬದ ಸಂಬಂಧ ಅನನ್ಯವಾಗಿದ್ದು, ನಿಮ್ಮ ಕುಟುಂಬಕ್ಕೆ ಸೂಕ್ತ ಸಮತೋಲನ ಆರಿಸಲು ಹಾಗೂ ಆರೋಗ್ಯಕರ ಡಿಜಿಟಲ್ ಅಭ್ಯಾಸ ರಚಿಸಲು ಸಹಾಯಕ ಟೂಲ್‌ ನಿರ್ಮಿಸಿದ್ದೇವೆ. ಮಗು ತನ್ನ ಸಾಧನವನ್ನು ಹೇಗೆ ಬಳಸುತ್ತಿದೆ ಎಂದು ನೋಡಲು, ಸಾಧನದ ಸ್ಥಳ ನೋಡಲು, ಗೌಪ್ಯತೆ ಸೆಟ್ಟಿಂಗ್‌ ನಿರ್ವಹಿಸಲು, ಇತ್ಯಾದಿಗಾಗಿ ಈ ಆ್ಯಪ್ ಬಳಸಬಹುದು.

Family Link ಮೂಲಕ, ನೀವು:

ಡಿಜಿಟಲ್ ಗ್ರೌಂಡ್ ನಿಯಮದ ಸ್ಥಾಪನೆ ಮಾಡಬಹುದು
• ವೀಕ್ಷಣಾ ಅವಧಿ ಮಿತಿ ಸೆಟ್ ಮಾಡುವುದು — ಮಗುವಿಗೆ ಉತ್ತಮವಾಗಿ ಕಾರ್ಯನಿರ್ವಹಿಸುವ ವೀಕ್ಷಣಾ ಅವಧಿ ಹುಡುಕಿ. ಮಗುವಿಗೆ ಆರೋಗ್ಯಕರ ಸಮತೋಲನ ಕಂಡುಕೊಳ್ಳುವುದಕ್ಕಾಗಿ, ಅವರ ಸಾಧನಕ್ಕೆ ಸ್ಕೂಲ್ ಟೈಮ್ ಹಾಗೂ ಡೌನ್‌ಟೈಮ್ ವೇಳಾಪಟ್ಟಿಯ ದೈನಂದಿನ ಸಮಯ ಮಿತಿ ಸೆಟ್ ಮಾಡಲು Family Link ಅನುಮತಿಸುತ್ತದೆ.
• ಮಗುವಿನ ಆ್ಯಪ್‌ ನಿರ್ವಹಿಸಿ — ಆ್ಯಪ್ ಬಳಕೆ ವಿಷಯದಲ್ಲಿ ಮಗುವಿಗೆ ಬೇಕಾದ ನಮ್ಯತೆ ನೀಡಿ. ಶೈಕ್ಷಣಿಕ ಅಥವಾ ನಿಯಮಿತವಾಗಿ ಬಳಸುವ ಆ್ಯಪ್‌ಗೆ ವೈಯಕ್ತಿಕ ಆ್ಯಪ್ ಟೈಮ್ ಲಿಮಿಟ್‌ ಹಾಗೂ ಅನಿಯಮಿತ ಸಮಯ ಸೆಟ್ ಮಾಡಿ. ನೀವು ಆ್ಯಪ್‌ ಸಹ ನಿರ್ಬಂಧಿಸಬಹುದು.

ಕಂಟೆಂಟ್ ಫಿಲ್ಟರ್‌ ಹಾಗೂ ಭದ್ರತೆ & ಗೌಪ್ಯತೆ ನಿರ್ವಹಿಸಿ
• ಅವರು ಆನ್‌ಲೈನ್‌ನಲ್ಲಿ ನೋಡುವುದನ್ನು ನಿರ್ವಹಿಸಿ — Chrome, Play, YouTube ಹಾಗೂ Search ನಂತಹ Google ಸೇವೆಯಲ್ಲಿ ಪೋಷಕ ನಿಯಂತ್ರಣ ಸೆಟ್ ಮಾಡಿ. Family Link ನಿಮಗೆ ಸೂಕ್ತವಲ್ಲದ ಸೈಟ್‌ ನಿರ್ಬಂಧಿಸಲು, ಹೊಸ ಆ್ಯಪ್‌ಗೆ ಅನುಮೋದನೆ ಕೋರಲು, ಆ್ಯಪ್‌ ಹಾಗೂ ವೆಬ್‌ಸೈಟ್‌ನ ಅನುಮತಿ ನಿರ್ವಹಿಸಲು ಹಾಗೂ ಇನ್ನಷ್ಟು ಮಾಡಲು ಅನುಮತಿಸುತ್ತದೆ.
• ಅವರ ಖಾತೆಯನ್ನು ಸುರಕ್ಷಿತಗೊಳಿಸಿ — ಮಗುವಿನ ಖಾತೆ ಹಾಗೂ ಡೇಟಾ ಸೆಟ್ಟಿಂಗ್‌ ನಿರ್ವಹಿಸಲು Family Link ಆ್ಯಕ್ಸೆಸ್ ನೀಡುತ್ತದೆ. ಪೋಷಕರಾಗಿ, ಮಗು ಪಾಸ್‌ವರ್ಡ್ ಮರೆತರೆ ಅದನ್ನು ಬದಲಾಯಿಸಲು ಅಥವಾ ರೀಸೆಟ್ ಮಾಡಲು, ಅವರ ವೈಯಕ್ತಿಕ ಮಾಹಿತಿ ಎಡಿಟ್ ಮಾಡಲು ಅಥವಾ ಅಗತ್ಯವಿದ್ದರೆ ಅವರ ಖಾತೆ ಅಳಿಸಲು ಸಹಾಯ ಮಾಡಬಹುದು.*

*ಅರ್ಹ ವಯಸ್ಸಿಗಿಂತ ಹೆಚ್ಚಿರುವ ಮಕ್ಕಳು ತಮ್ಮ ಖಾತೆಯನ್ನು ತಾವೇ ನಿರ್ವಹಿಸಬಹುದು.

ಪ್ರಯಾಣದಲ್ಲಿರುವಾಗ ಕನೆಕ್ಟ್ ಆಗಿರಿ
• ಅವರು ಎಲ್ಲಿದ್ದಾರೆ ಎಂದು ನೋಡಿ — ಕುಟುಂಬವು ಪ್ರಯಾಣದಲ್ಲಿರುವಾಗ ಅವರು ಎಲ್ಲಿದ್ದಾರೆ ಎಂದು ತಿಳಿಯಲು ಇದು ಸಹಾಯಕವಾಗಿದೆ. Family Link ಮೂಲಕ, ಒಂದೇ ನಕ್ಷೆಯಲ್ಲಿ ನಿಮ್ಮ ಮಕ್ಕಳು ಎಲ್ಲಿದ್ದಾರೆ ಎಂದು ಪತ್ತೆ ಮಾಡಬಹುದು, ಆದರೆ ಅವರು ತಮ್ಮ ಸಾಧನ ತೆಗೆದುಕೊಂಡು ಹೋಗಿರಬೇಕು.
• ನೋಟಿಫಿಕೇಶನ್ ಹಾಗೂ ಎಚ್ಚರಿಕೆ ಪಡೆಯಿರಿ — Family Link, ಮಗು ನಿರ್ದಿಷ್ಟ ಸ್ಥಳಕ್ಕೆ ಬಂದಿರುವುದು ಅಥವಾ ಅಲ್ಲಿಂದ ಹೊರಟಿರುವುದು ಸೇರಿದಂತೆ ಗಂಭೀರ ನೋಟಿಫಿಕೇಶನ್‌ ನೀಡುತ್ತದೆ. ಸಾಧನ ರಿಂಗ್ ಮಾಡಬಹುದು ಹಾಗೂ ಸಾಧನದಲ್ಲಿ ಉಳಿದ ಬ್ಯಾಟರಿ ಬಾಳಿಕೆ ನೋಡಬಹುದು.


ಮುಖ್ಯ ಮಾಹಿತಿ

• ಮಗುವಿನ ಸಾಧನ ಆಧರಿಸಿ Family Link ನ ಟೂಲ್‌ಗಳಲ್ಲಿ ವ್ಯತ್ಯಾಸವಾಗಬಹುದು. https://families.google/familylink/device-compatibility/ ನಲ್ಲಿ ಹೊಂದಾಣಿಕೆಯಾಗುವ ಸಾಧನ ಪಟ್ಟಿ ನೋಡಿ
• ಮಗು Google Play ನಿಂದ ಮಾಡುವ ಖರೀದಿ ಹಾಗೂ ಡೌನ್‌ಲೋಡ್‌ ನಿರ್ವಹಿಸಲು Family Link ಸಹಾಯ ಮಾಡುತ್ತದೆಯಾದರೂ, ಆ್ಯಪ್ ಅಪ್‌ಡೇಟ್‌ (ಅನುಮತಿ ವಿಸ್ತರಿಸುವ ಅಪ್‌ಡೇಟ್‌ ಸೇರಿದಂತೆ), ಈ ಹಿಂದೆ ಅನುಮೋದಿಸಿದ ಆ್ಯಪ್‌ ಅಥವಾ ಕುಟುಂಬದ ಲೈಬ್ರರಿಯಲ್ಲಿ ಹಂಚಿಕೊಂಡ ಆ್ಯಪ್‌ ಇನ್‌ಸ್ಟಾಲ್ ಮಾಡಲು ಅವರಿಗೆ ಅನುಮೋದನೆ ಅಗತ್ಯವಿಲ್ಲ. ಹೆಚ್ಚುವರಿಯಾಗಿ, ಮಗು Google Play ನ ಬಿಲ್ಲಿಂಗ್ ಸಿಸ್ಟಂ ಮೂಲಕ ಖರೀದಿ ಮಾಡಿದಾಗ ಮಾತ್ರ ಖರೀದಿ ಅನುಮೋದನೆ ಅನ್ವಯಿಸುತ್ತದೆ ಹಾಗೂ ಪರ್ಯಾಯ ಬಿಲ್ಲಿಂಗ್ ಸಿಸ್ಟಂ ಮೂಲಕ ಮಾಡಿದ ಖರೀದಿಗೆ ಅನ್ವಯಿಸಲ್ಲ. ಪೋಷಕರು ತಮ್ಮ ಮಗು ಇನ್‌ಸ್ಟಾಲ್ ಮಾಡಿದ ಆ್ಯಪ್‌ ಹಾಗೂ ಆ್ಯಪ್ ಅನುಮತಿಯನ್ನು Family Link ನಲ್ಲಿ ನಿಯಮಿತವಾಗಿ ಪರಿಶೀಲಿಸಬೇಕು.
• ಮಗುವಿನ ಮೇಲ್ವಿಚಾರಣೆ ಮಾಡಿದ ಸಾಧನದಲ್ಲಿನ ಆ್ಯಪ್‌ಗಳನ್ನು ಎಚ್ಚರಿಕೆಯಿಂದ ಪರಿಶೀಲಿಸಬೇಕು ಹಾಗೂ ಅವರು ಬಳಸಬಾರದೆಂದು ಬಯಸುವ ಆ್ಯಪ್‌ ನಿಷ್ಕ್ರಿಯಗೊಳಿಸಬೇಕು. Google Play, Google ಇತ್ಯಾದಿಗಳಂತಹ ಪ್ರಿ ಇನ್‌ಸ್ಟಾಲ್ ಮಾಡಿದ ಆ್ಯಪ್‌ ನಿಷ್ಕ್ರಿಯಗೊಳಿಸಲು ಸಾಧ್ಯವಾಗದಿರಬಹುದು ಎಂದು ತಿಳಿದಿರಲಿ.
• ಮಗು ಅಥವಾ ಹದಿಹರೆಯದವರ ಸಾಧನ ಸ್ಥಳ ನೋಡಲು, ಸಾಧನ ಆನ್ ಆಗಿರಬೇಕು, ಇತ್ತೀಚೆಗೆ ಸಕ್ರಿಯವಾಗಿರಬೇಕು ಹಾಗೂ ಡೇಟಾ ಅಥವಾ ವೈ-ಫೈ ಮೂಲಕ ಇಂಟರ್ನೆಟ್‌ಗೆ ಕನೆಕ್ಟ್ ಆಗಿರಬೇಕು.
• Family Link ಪೋಷಕ ನಿಯಂತ್ರಣಗಳು ಮೇಲ್ವಿಚಾರಣೆಯ Google ಖಾತೆಗೆ ಮಾತ್ರ ಲಭ್ಯವಿವೆ. ಮೇಲ್ವಿಚಾರಣೆಯ Google ಖಾತೆ ಮೂಲಕ, ಮಕ್ಕಳು Search, Chrome, Gmail ನಂತಹ Google ಉತ್ಪನ್ನಕ್ಕೆ ಆ್ಯಕ್ಸೆಸ್ ಪಡೆಯುತ್ತಾರೆ ಹಾಗೂ ಪೋಷಕರು ಅವುಗಳನ್ನು ಮೇಲ್ವಿಚಾರಣೆ ಮಾಡಲು ಮೂಲ ಡಿಜಿಟಲ್ ಗ್ರೌಂಡ್ ನಿಯಮ ಸೆಟ್ ಮಾಡಬಹುದು.
• Family Link ಮಗುವಿನ ಆನ್‌ಲೈನ್ ಅನುಭವ ನಿರ್ವಹಿಸಲು, ಅವರನ್ನು ಆನ್‌ಲೈನ್‌ನಲ್ಲಿ ಸುರಕ್ಷಿತವಾಗಿರಿಸಲು ಟೂಲ್‌ ಒದಗಿಸುತ್ತದೆ, ಅದು ಇಂಟರ್ನೆಟ್ ಅನ್ನು ಸುರಕ್ಷಿತವಾಗಿಸುವುದಿಲ್ಲ. Family Link ಇಂಟರ್ನೆಟ್‌ನಲ್ಲಿನ ಕಂಟೆಂಟ್‌ ನಿರ್ಧರಿಸಲು ಸಾಧ್ಯವಿಲ್ಲ, ಆದರೆ ಇದು ಮಗು ಸಾಧನದಲ್ಲಿ ಹೇಗೆ ಸಮಯ ಕಳೆಯುತ್ತದೆ ಎಂದು ನಿರ್ಧರಿಸಲು ಪೋಷಕರಿಗೆ ಅವಕಾಶ ನೀಡುತ್ತದೆ, ಕುಟುಂಬಕ್ಕೆ ಉತ್ತಮ ಆನ್‌ಲೈನ್ ಸುರಕ್ಷತೆಯ ಮಾರ್ಗ ನಿರ್ಧರಿಸುತ್ತದೆ.