Google Family Link

നിങ്ങളുടെ കുടുംബത്തെ ഓൺലൈനിൽ സുരക്ഷിതമാക്കാൻ സഹായിക്കുന്ന രക്ഷാകർതൃ നിയന്ത്രണ ആപ്പ് ആണ് Google Family Link. കുടുംബങ്ങൾ തനത് രീതിയിൽ സാങ്കേതികവിദ്യ ഉപയോഗിക്കുന്നതിനാൽ, കുടുംബത്തിന് യോജിച്ച, ആരോഗ്യകരമായ ഡിജിറ്റൽ ശീലം സൃഷ്ടിക്കുന്നതിനാണ് ടൂളുകൾ നിർമ്മിച്ചത്. കുട്ടി ഉപകരണത്തിൽ ചെലവഴിക്കുന്ന സമയവും ഉപകരണ ലൊക്കേഷനും കാണാനും സ്വകാര്യതാ ക്രമീകരണം മാനേജ് ചെയ്യാനും മറ്റും ആപ്പ് ഉപയോഗിക്കാം.

Family Link ഉപയോഗിച്ച് ഇവ ചെയ്യാം:

അടിസ്ഥാന ഡിജിറ്റൽ നിയമം നടപ്പാക്കുക
• സ്ക്രീൻ സമയപരിധി സജ്ജീകരിക്കുക — കുട്ടിക്ക് യോജിച്ച സ്ക്രീൻ സമയം കണ്ടെത്തുക. ആരോഗ്യകരമായ ബാലൻസ് കണ്ടെത്താൻ കുട്ടിയെ സഹായിക്കുന്നതിന്, സ്കൂൾ സമയം, പ്രവർത്തനരഹിതമായ സമയം എന്നീ ഷെഡ്യൂളുകൾ ഉപയോഗിച്ച് പ്രതിദിന സമയപരിധി സജ്ജീകരിക്കാൻ Family Link അനുവദിക്കുന്നു.
• ആപ്പ് മാനേജ് ചെയ്യുക — ആപ്പ് ഉപയോഗത്തിൽ വേണ്ട ഫ്ലെക്സിബിലിറ്റി നൽകുക. വ്യക്തിഗത ആപ്പ് സമയ പരിധികളും വിദ്യാഭ്യാസപരമോ പതിവായി ഉപയോഗിക്കുന്നതോ ആയ ആപ്പുകൾക്ക് പരിധില്ലാത്ത സമയവും സജ്ജീകരിക്കുക. ആപ്പ് ബ്ലോക്ക് ചെയ്യാനുമാകും.

ഉള്ളടക്ക ഫിൽട്ടറും സുരക്ഷയും സ്വകാര്യതയും മാനേജ് ചെയ്യുക
• ഓൺലൈനിലെ കാഴ്ച മാനേജ് ചെയ്യുക — Chrome, Play, YouTube, Search പോലുള്ള Google സേവനങ്ങളിൽ രക്ഷാകർതൃ നിയന്ത്രണം സജ്ജീകരിക്കുക. അനുചിത സൈറ്റ് ബ്ലോക്ക് ചെയ്യാനും പുതിയ ആപ്പ് അനുമതി ആവശ്യപ്പെടാനും ആപ്പ്, വെബ്സൈറ്റ് അനുമതി മാനേജ് ചെയ്യാനും Family Link അനുവദിക്കുന്നു.
• അക്കൗണ്ട് സുരക്ഷിതമാക്കുക — കുട്ടിയുടെ അക്കൗണ്ടും ഡാറ്റാ ക്രമീകരണവും മാനേജ് ചെയ്യാൻ Family Link അനുവദിക്കുന്നു. കുട്ടി പാസ്‌വേഡ് മറന്നാൽ അത് മാറ്റാനോ റീസെറ്റ് ചെയ്യാനോ സഹായിക്കാനും വ്യക്തിഗത വിവരം തിരുത്താനും അക്കൗണ്ട് ഇല്ലാതാക്കാനും രക്ഷിതാവിനാകും.*

*ബാധകമായ പ്രായത്തിന് മുകളിലുള്ള കുട്ടിക്ക് സ്വന്തം അക്കൗണ്ട് മാനേജ് ചെയ്യാം.

എവിടെയായിരുന്നാലും കണക്റ്റഡായിരിക്കൂ
• അവർ എവിടെയാണെന്ന് കാണൂ — കുടുംബാംഗം എവിടെയായിരുന്നാലും കണ്ടെത്താൻ ഇത് സഹായിക്കും. ഉപകരണം കൈവശമുണ്ടെങ്കിൽ, കുട്ടി എവിടെയാണെന്ന് Family Link ഒറ്റ മാപ്പിൽ കാണിക്കും.
• അറിയിപ്പും മുന്നറിയിപ്പും നേടൂ — നിർദ്ദിഷ്ട ലൊക്കേഷനിൽ കുട്ടി എത്തിച്ചേരുന്നതും പോകുന്നതും ഉൾപ്പെടെയുള്ള പ്രധാന വിവരം Family Link നൽകുന്നു. ഉപകരണങ്ങൾ റിംഗ് ചെയ്യാനും ശേഷിക്കുന്ന ബാറ്ററി ലൈഫ് കാണാനും കഴിയും.


പ്രധാന വിവരം

• Family Link-ന്റെ ടൂളുകൾ കുട്ടിയുടെ ഉപകരണം അനുസരിച്ച് വ്യത്യാസപ്പെടും. https://families.google/familylink/device-compatibility/ -ൽ, അനുയോജ്യമായ ഉപകരണ ലിസ്‌റ്റ് കാണൂ
• Google Play-ൽ നിന്നുള്ള കുട്ടിയുടെ വാങ്ങലും ഡൗൺലോഡും നിയന്ത്രിക്കാൻ Family Link സഹായിക്കുമ്പോഴും, ആപ്പ് അപ്ഡേറ്റോ (കൂടുതൽ അനുമതി വേണ്ട അപ്‌ഡേറ്റ് ഉൾപ്പെടെ) മുൻപ് അംഗീകരിച്ച ആപ്പോ കുടുംബ ലൈബ്രറിയിൽ പങ്കിട്ട ആപ്പോ ഇൻസ്‌റ്റാൾ ചെയ്യാൻ അനുമതി വേണ്ട. കുട്ടി Google Play-യുടെ ബില്ലിംഗ് സിസ്റ്റത്തിൽ നിന്ന് വാങ്ങുമ്പോൾ മാത്രമേ വാങ്ങൽ അനുമതി ബാധകമാകൂ, ഇതര ബില്ലിംഗ് സിസ്റ്റത്തിന് ബാധകമല്ല. രക്ഷിതാവ്, കുട്ടിയുടെ ഇൻസ്റ്റാൾ ചെയ്ത ആപ്പും ആപ്പ് അനുമതിയും Family Link-ൽ പതിവായി അവലോകനം ചെയ്യണം.
• മേൽനോട്ടം ചെയ്യുന്ന ഉപകരണത്തിലെ ആപ്പ് ശ്രദ്ധിച്ച് അവലോകനം ചെയ്‌ത്, കുട്ടി ഉപയോഗിക്കരുതെന്ന് കരുതുന്നവ പ്രവർത്തനരഹിതമാക്കുക. Play, Google മുതലായ, പ്രീ ഇൻസ്‌റ്റാൾ ചെയ്‌ത ചില ആപ്പ് പ്രവർത്തനരഹിതമാക്കാനാവില്ല.
• കുട്ടിയുടെ അല്ലെങ്കിൽ കൗമാരക്കാരുടെ ഉപകരണ ലൊക്കേഷൻ കാണാൻ, ഉപകരണം ഓണായിരിക്കണം, സമീപകാലത്ത് സജീവമായിരിക്കണം, ഡാറ്റയിലൂടെ/വൈഫൈയിലൂടെ ഇന്റർനെറ്റിൽ കണക്‌റ്റ് ചെയ്‌തിരിക്കുകയും വേണം.
• മേൽനോട്ടമുള്ള Google Account-കൾക്ക് മാത്രമേ Family Link രക്ഷാകർതൃ നിയന്ത്രണം ലഭിക്കൂ. മേൽനോട്ടമുള്ള Google Account ഉപയോഗിച്ച്, Search, Chrome, Gmail പോലുള്ള Google ഉൽപ്പന്നത്തിലേക്ക് കുട്ടിക്ക് ആക്സസ് ലഭിക്കും, അവയുടെ മേൽനോട്ടത്തിനുള്ള അടിസ്ഥാന ഡിജിറ്റൽ നിയമം രക്ഷിതാക്കൾക്ക് സജ്ജീകരിക്കാം.
• കുട്ടിയുടെ ഓൺലൈൻ അനുഭവം മാനേജ് ചെയ്യാനും ഓൺലൈൻ സുരക്ഷയ്ക്കുമുള്ള ടൂളുകൾ Family Link നൽകുന്നുണ്ടെങ്കിലും അത് ഇന്റർനെറ്റിനെ സുരക്ഷിതമാക്കുന്നില്ല. Family Link-ന് ഇന്റർനെറ്റിലെ ഉള്ളടക്കം തീരുമാനിക്കാനാകില്ല, എന്നാൽ കുട്ടി ഉപകരണത്തിൽ സമയം ചെലവഴിക്കുന്നത് സംബന്ധിച്ച തീരുമാനമെടുക്കാനും ഓൺലൈൻ സുരക്ഷയുടെ ഏത് വഴിയാണ് കുടുംബത്തിന് യോജിക്കുന്നതെന്ന് തീരുമാനിക്കാനും രക്ഷിതാക്കൾക്ക് അവസരം നൽകാൻ അതിന് കഴിയും.