Google Family Link

Google Family Link, ਮਾਪਿਆਂ ਦੇ ਕੰਟਰੋਲਾਂ ਵਾਲੀ ਐਪ ਨਾਲ ਤੁਸੀਂ ਪਰਿਵਾਰ ਨੂੰ ਆਨਲਾਈਨ ਸੁਰੱਖਿਅਤ ਰੱਖ ਸਕਦੇ ਹੋ। ਤਕਨਾਲੋਜੀ ਨਾਲ ਹਰ ਪਰਿਵਾਰ ਦਾ ਰਿਸ਼ਤਾ ਵਿਲੱਖਣ ਹੁੰਦਾ ਹੈ, ਇਸ ਲਈ ਅਸੀਂ ਤੁਹਾਡੇ ਪਰਿਵਾਰ ਲਈ ਸਹੀ ਸੰਤੁਲਨ ਚੁਣਨ ਅਤੇ ਸਿਹਤਮੰਦ ਡਿਜੀਟਲ ਆਦਤਾਂ ਬਣਾਉਣ 'ਚ ਮਦਦ ਕਰਨ ਲਈ ਟੂਲ ਬਣਾਏ ਹਨ। ਤੁਸੀਂ ਬੱਚੇ ਦਾ ਡੀਵਾਈਸ 'ਤੇ ਸਮਾਂ ਬਿਤਾਉਣ ਦਾ ਤਰੀਕਾ, ਡੀਵਾਈਸ ਦਾ ਟਿਕਾਣਾ ਦੇਖਣ, ਪਰਦੇਦਾਰੀ ਸੈਟਿੰਗਾਂ ਦਾ ਪ੍ਰਬੰਧਨ ਕਰਨ ਆਦਿ ਲਈ ਐਪ ਵਰਤ ਸਕਦੇ ਹੋ।

Family Link ਨਾਲ, ਤੁਸੀਂ ਇਹ ਕਰ ਸਕਦੇ ਹੋ:

ਡਿਜੀਟਲ ਬੁਨਿਆਦੀ ਨਿਯਮ ਬਣਾਉਣਾ
• ਸਕ੍ਰੀਨ ਸਮੇਂ ਸੰਬੰਧੀ ਸੀਮਾਵਾਂ ਸੈੱਟ ਕਰਨਾ — ਤੁਹਾਡੇ ਬੱਚੇ ਲਈ ਵਧੀਆ ਕੰਮ ਕਰਨ ਵਾਲਾ ਸਕ੍ਰੀਨ ਸਮਾਂ ਲੱਭੋ। Family Link ਨਾਲ ਤੁਸੀਂ ਡੀਵਾਈਸਾਂ ਲਈ ਸਕੂਲੀ ਸਮਾਂ ਅਤੇ ਡਾਊਨਟਾਈਮ ਸਮਾਂ-ਸੂਚੀਆਂ ਨਾਲ ਰੋਜ਼ਾਨਾ ਸਮਾਂ ਸੀਮਾਵਾਂ ਸੈੱਟ ਕਰ ਸਕਦੇ ਹੋ, ਤਾਂ ਜੋ ਤੁਸੀਂ ਆਪਣੇ ਬੱਚੇ ਦੀ ਸਿਹਤਮੰਦ ਸੰਤੁਲਨ ਲੱਭਣ 'ਚ ਮਦਦ ਕਰ ਸਕੋ।
• ਆਪਣੇ ਬੱਚੇ ਦੀਆਂ ਐਪਾਂ ਦਾ ਪ੍ਰਬੰਧਨ ਕਰਨਾ — ਐਪ ਵਰਤੋਂ ਸੰਬੰਧੀ ਆਪਣੇ ਬੱਚੇ ਨੂੰ ਲੋੜੀਂਦੀ ਸਹੂਲਤ ਦਿਓ। ਵਿੱਦਿਅਕ ਜਾਂ ਨਿਯਮਿਤ ਐਪਾਂ ਲਈ ਵੱਖ-ਵੱਖ ਐਪ ਸਮਾਂ ਸੀਮਾਵਾਂ ਅਤੇ ਅਸੀਮਤ ਸਮਾਂ ਸੈੱਟ ਕਰੋ। ਤੁਸੀਂ ਐਪਾਂ ਬਲਾਕ ਵੀ ਕਰ ਸਕਦੇ ਹੋ।

ਸਮੱਗਰੀ ਫਿਲਟਰ ਅਤੇ ਸੁਰੱਖਿਆ ਅਤੇ ਪਰਦੇਦਾਰੀ ਦਾ ਪ੍ਰਬੰਧਨ ਕਰਨਾ
• ਪ੍ਰਬੰਧਨ ਕਰਨਾ ਕਿ ਉਹ ਆਨਲਾਈਨ ਕੀ ਦੇਖਦੇ ਹਨ — Chrome, Play, YouTube ਅਤੇ Search ਵਰਗੀਆਂ Google ਸੇਵਾਵਾਂ 'ਤੇ ਮਾਪਿਆਂ ਦੇ ਕੰਟਰੋਲਾਂ ਦਾ ਸੈੱਟਅੱਪ ਕਰੋ। Family Link ਅਣਉਚਿਤ ਸਾਈਟਾਂ ਨੂੰ ਬਲਾਕ ਕਰਨ, ਨਵੀਆਂ ਐਪਾਂ ਲਈ ਮਨਜ਼ੂਰੀ ਦੇਣ, ਐਪਾਂ ਅਤੇ ਵੈੱਬਸਾਈਟਾਂ ਲਈ ਇਜਾਜ਼ਤਾਂ ਦਾ ਪ੍ਰਬੰਧਨ ਕਰਨ ਅਤੇ ਹੋਰ ਚੀਜ਼ਾਂ ਕਰਨ ਦਿੰਦੀ ਹੈ।
• ਉਨ੍ਹਾਂ ਦਾ ਖਾਤਾ ਸੁਰੱਖਿਅਤ ਕਰਨਾ — Family Link ਤੁਹਾਡੇ ਬੱਚੇ ਦੀਆਂ ਖਾਤਾ ਅਤੇ ਡਾਟਾ ਸੈਟਿੰਗਾਂ ਦੇ ਪ੍ਰਬੰਧਨ ਤੱਕ ਪਹੁੰਚ ਦਿੰਦੀ ਹੈ। ਮਾਂ-ਪਿਓ ਵਜੋਂ, ਤੁਸੀਂ ਆਪਣੇ ਬੱਚੇ ਦੇ ਪਾਸਵਰਡ ਭੁੱਲ ਜਾਣ 'ਤੇ ਉਸਨੂੰ ਬਦਲਣ ਜਾਂ ਰੀਸੈੱਟ ਕਰਨ 'ਚ ਮਦਦ, ਨਿੱਜੀ ਜਾਣਕਾਰੀ ਦਾ ਸੰਪਾਦਨ ਕਰ ਸਕਦੇ ਜਾਂ ਲੋੜ ਮੁਤਾਬਕ ਉਨ੍ਹਾਂ ਦਾ ਖਾਤਾ ਵੀ ਮਿਟਾ ਸਕਦੇ ਹੋ।*

*ਯੋਗਤਾ ਦੀ ਉਮਰ ਤੋਂ ਵੱਡੇ ਬੱਚੇ ਆਪਣਾ ਖੁਦ ਦਾ ਖਾਤਾ ਪ੍ਰਬੰਧਿਤ ਕਰ ਸਕਦੇ ਹਨ।

ਤੁਰਦੇ-ਫਿਰਦੇ ਜੁੜੇ ਰਹਿਣਾ
• ਦੇਖਣਾ ਕਿ ਉਹ ਕਿੱਥੇ ਹਨ — ਬੱਚਿਆਂ ਕੋਲ ਆਪਣਾ ਡੀਵਾਈਸ ਹੋਣ 'ਤੇ, ਤੁਸੀਂ Family Link ਨਾਲ ਇੱਕੋ ਨਕਸ਼ੇ 'ਤੇ ਉਨ੍ਹਾਂ ਦਾ ਪਤਾ ਲਗਾ ਸਕਦੇ ਹੋ।
• ਸੂਚਨਾਵਾਂ ਅਤੇ ਸੁਚੇਤਨਾਵਾਂ ਪ੍ਰਾਪਤ ਕਰਨਾ — ਬੱਚਿਆਂ ਦੇ ਕਿਸੇ ਖਾਸ ਟਿਕਾਣੇ ਤੋਂ ਜਾਣ ਦੇ ਸਮੇਂ ਬਾਰੇ ਜਾਣਕਾਰੀ ਦੇਣ ਸਮੇਤ Family Link ਐਪ ਮਹੱਤਵਪੂਰਨ ਸੂਚਨਾਵਾਂ ਦਿੰਦੀ ਹੈ। ਤੁਸੀਂ ਡੀਵਾਈਸਾਂ 'ਤੇ ਘੰਟੀ ਵੀ ਵਜਾ ਸਕਦੇ ਹੋ ਅਤੇ ਬਾਕੀ ਬੈਟਰੀ ਲਾਈਫ਼ ਵੀ ਦੇਖ ਸਕਦੇ ਹੋ।


ਮਹੱਤਵਪੂਰਨ ਜਾਣਕਾਰੀ

• Family Link ਦੇ ਟੂਲ ਬੱਚੇ ਦੇ ਡੀਵਾਈਸ ਮੁਤਾਬਕ ਵੱਖ-ਵੱਖ ਹੁੰਦੇ ਹਨ। https://families.google/familylink/device-compatibility/ 'ਤੇ ਅਨੁਰੂਪ ਡੀਵਾਈਸਾਂ ਦੀ ਸੂਚੀ ਦੇਖੋ
• ਹਾਲਾਂਕਿ Family Link, Google Play 'ਤੇ ਤੁਹਾਡੇ ਬੱਚੇ ਦੀਆਂ ਖਰੀਦਾਂ ਅਤੇ ਡਾਊਨਲੋਡਾਂ ਦਾ ਪ੍ਰਬੰਧਨ ਕਰਦੀ ਹੈ, ਪਰ ਉਨ੍ਹਾਂ ਨੂੰ ਐਪ ਅੱਪਡੇਟ (ਵਿਸਤ੍ਰਿਤ ਇਜਾਜ਼ਤਾਂ ਵਾਲੇ ਅੱਪਡੇਟਾਂ ਸਮੇਤ), ਤੁਹਾਡੀਆਂ ਮਨਜ਼ੂਰਸ਼ੁਦਾ ਐਪਾਂ ਜਾਂ ਪਰਿਵਾਰ ਲਾਇਬ੍ਰੇਰੀ 'ਚ ਸਾਂਝੀਆਂ ਐਪਾਂ ਸਥਾਪਤ ਕਰਨ ਲਈ ਮਨਜ਼ੂਰੀ ਦੀ ਲੋੜ ਨਹੀਂ ਹੋਵੇਗੀ। ਨਾਲ ਹੀ, ਤੁਹਾਡੇ ਬੱਚੇ ਵੱਲੋਂ Google Play ਦੇ ਬਿਲਿੰਗ ਸਿਸਟਮ ਰਾਹੀਂ ਖਰੀਦਦਾਰੀ ਕਰਨ 'ਤੇ ਹੀ ਖਰੀਦ ਲਈ ਮਨਜ਼ੂਰੀਆਂ ਲਾਗੂ ਹੋਣਗੀਆਂ ਅਤੇ ਇਹ ਵਿਕਲਪਿਕ ਬਿਲਿੰਗ ਸਿਸਟਮਾਂ ਰਾਹੀਂ ਕੀਤੀਆਂ ਖਰੀਦਾਂ 'ਤੇ ਲਾਗੂ ਨਹੀਂ ਹੋਣਗੀਆਂ। ਮਾਂ-ਪਿਓ ਨੂੰ Family Link 'ਚ ਆਪਣੇ ਬੱਚੇ ਦੀਆਂ ਸਥਾਪਤ ਐਪਾਂ ਅਤੇ ਐਪ ਇਜਾਜ਼ਤਾਂ ਦੀ ਨਿਯਮਿਤ ਤੌਰ 'ਤੇ ਸਮੀਖਿਆ ਕਰਨੀ ਚਾਹੀਦੀ ਹੈ।
• ਤੁਹਾਨੂੰ ਆਪਣੇ ਬੱਚੇ ਦੇ ਨਿਗਰਾਨੀ ਅਧੀਨ ਡੀਵਾਈਸ 'ਤੇ ਮੌਜੂਦ ਐਪਾਂ ਦੀ ਧਿਆਨ ਨਾਲ ਸਮੀਖਿਆ ਕਰਨੀ ਚਾਹੀਦੀ ਹੈ ਅਤੇ ਉਨ੍ਹਾਂ ਐਪਾਂ ਨੂੰ ਬੰਦ ਕਰਨਾ ਚਾਹੀਦਾ ਹੈ ਜੋ ਤੁਸੀਂ ਨਹੀਂ ਚਾਹੁੰਦੇ ਕਿ ਉਹ ਵਰਤਣ। ਨੋਟ ਕਰੋ ਕਿ ਸ਼ਾਇਦ ਤੁਸੀਂ ਪਹਿਲਾਂ ਤੋਂ ਸਥਾਪਤ ਐਪਾਂ ਬੰਦ ਨਾ ਕਰ ਸਕੋ, ਜਿਵੇਂ ਕਿ Play, Google, ਆਦਿ।
• ਆਪਣੇ ਛੋਟੇ ਜਾਂ ਅੱਲ੍ਹੜ ਬੱਚੇ ਦੇ ਡੀਵਾਈਸ ਦਾ ਟਿਕਾਣਾ ਦੇਖਣ ਲਈ, ਡੀਵਾਈਸ ਦਾ ਚਾਲੂ ਹੋਣਾ, ਹਾਲ ਹੀ 'ਚ ਕਿਰਿਆਸ਼ੀਲ ਹੋਣਾ ਅਤੇ ਡਾਟਾ ਜਾਂ ਵਾਈ-ਫਾਈ ਰਾਹੀਂ ਇੰਟਰਨੈੱਟ ਨਾਲ ਕਨੈਕਟ ਹੋਣਾ ਲਾਜ਼ਮੀ ਹੈ।
• 'Family Link ਮਾਪਿਆਂ ਦੇ ਕੰਟਰੋਲ' ਸਿਰਫ਼ ਨਿਗਰਾਨੀ ਕੀਤੇ Google ਖਾਤਿਆਂ ਲਈ ਉਪਲਬਧ ਹੈ। ਨਿਗਰਾਨੀ ਕੀਤੇ Google ਖਾਤਿਆਂ ਨਾਲ, ਬੱਚਿਆਂ ਨੂੰ Search, Chrome ਅਤੇ Gmail ਵਰਗੇ Google ਉਤਪਾਦਾਂ ਤੱਕ ਪਹੁੰਚ ਮਿਲਦੀ ਹੈ ਅਤੇ ਮਾਂ-ਪਿਓ ਉਨ੍ਹਾਂ ਦੀ ਨਿਗਰਾਨੀ ਵਾਸਤੇ ਮੂਲ ਡਿਜੀਟਲ ਬੁਨਿਆਦੀ ਨਿਯਮਾਂ ਦਾ ਸੈੱਟਅੱਪ ਕਰ ਸਕਦੇ ਹਨ।
• ਹਾਲਾਂਕਿ Family Link ਤੁਹਾਡੇ ਬੱਚੇ ਦੇ ਆਨਲਾਈਨ ਅਨੁਭਵ ਦਾ ਪ੍ਰਬੰਧਨ ਕਰਨ ਅਤੇ ਉਸਨੂੰ ਆਨਲਾਈਨ ਸੁਰੱਖਿਅਤ ਰੱਖਣ ਲਈ ਟੂਲ ਦਿੰਦੀ ਹੈ, ਪਰ ਇਹ ਇੰਟਰਨੈੱਟ ਨੂੰ ਸੁਰੱਖਿਅਤ ਨਹੀਂ ਬਣਾਉਂਦੀ। Family Link ਇੰਟਰਨੈੱਟ 'ਤੇ ਮੌਜੂਦ ਸਮੱਗਰੀ ਨੂੰ ਨਿਰਧਾਰਿਤ ਨਹੀਂ ਕਰ ਸਕਦੀ, ਪਰ ਇਸ ਨਾਲ ਮਾਂ-ਪਿਓ ਨੂੰ ਫ਼ੈਸਲਾ ਲੈਣ ਦਾ ਮੌਕਾ ਮਿਲਦਾ ਹੈ ਕਿ ਉਨ੍ਹਾਂ ਦਾ ਬੱਚਾ ਆਪਣੇ ਡੀਵਾਈਸ 'ਤੇ ਸਮਾਂ ਕਿਵੇਂ ਬਿਤਾਏ ਅਤੇ ਤੁਹਾਡਾ ਪਰਿਵਾਰ ਆਨਲਾਈਨ ਕਿਵੇਂ ਸੁਰੱਖਿਅਤ ਰਹੇ।